របៀប Burn Windows 8 ISO ចូលទៅក្នុង ​USB Flash

លោកអ្នកប្រហែលជាធ្លាប់បានដឹងរួចមកហើយ ក៏មានអ្នកប្រើ ប្រាស់ខ្លះទៀត គាត់
ថែមទាំងចេះអំពីវិធីសាស្រ្តក្នុងការបង្កើត USB Flash ឲ្យអាច Bootable បានទៀតផងគឺ
មានន័យថាពួកគាត់មានបំណងចង់តម្លើងប្រព័ន្ធដំណើរការ (Windows) ដោយប្រើប្រាស់
នូវ USB Flash Drive ជំនួសឲ្យ CD/DVD-ROM ប៉ុន្តែការងារនោះវាមិនមែនជាការងាយ
ស្រួលទេ កាលបើគាត់ប្រើ Command Prompt ឬកម្មវិធី Win To Flash ព្រោះអ្នកប្រើប្រាស់
ទាំងនោះចាំបាច់ត្រូវធ្វើការ​ពន្លា Windows ISO ទៅជាថតឯកសារមួយដែលខណៈនោះ​ អាចបណ្តាលឲ្យមានមេរោគកុំព្យូទ័រផ្សេងៗមានឳកាសជ្រៀតខ្លួន​ចូលទៅក្នុងថតឯកសារ
Windows ឬពេលខ្លះគឺមិនអាចដំណើរការ តែម្តង។ ដូច្នេះទស្សនាវដ្តីទីក្រុងពត៌មានវិទ្យា
យើងសូមនាំអារម្មណ៍លោកអ្នកមកជួបជាមួយរបៀប Burn ឯកសារប្រភេទ ISO
បញ្ចូល ទៅក្នុង ​USB Flash តែម្តង។
    កាលបើលោកអ្នកមានឯកសារប្រភេទ ISO Bootable ស្រាប់ ហើយត្រូវការ Burn
វាបញ្ចូលទៅក្នុង USB Flash Drive​ ក្នុងខណៈ នោះលោកអ្នកត្រូវប្រើប្រាស់កម្មវិធីជំនួយ
មួយប្រភេទមានឈ្មោះថា ISO to USB។ កម្មវិធីជំនួយដ៏ប៉ិនប្រសប់បង្កប់ដោយសមត្ថភាព   ខ្ពស់មួយនេះពិតជាអាចជួយសម្រួលលោកអ្នកបានយ៉ាងប្រាកដ ព្រោះថា Options មូលដ្ឋានជាច្រើនត្រូវបានដាក់បញ្ចូលទៅក្នុងកម្មវិធីដើម្បីអនុញ្ញាតឲ្យអ្នកប្រើប្រាស់ធ្វើ
ការបង្កើតនូវ USB Bootable បានយ៉ាងងាយស្រួលបំផុត។

    យ៉ាងណាម៉ិញការប្រើប្រាស់លើកម្មវិធីនេះផងដែរក៏កាន់តែ  មានភាពងាយស្រួល
ថែមទៀតគឺគ្រាន់តែលោកអ្នកចាប់ផ្តើមធ្វើការតម្លើង​កម្មវិធី ISO to USB រួចរាល់ហើយ
បន្ទាប់មកសឹមដំណើរការជា លក្ខណៈ “Admin” និងបន្តចុចប៊ូតុង Browse ដើម្បីស្វែង
រកឯកសារ ISO របស់លោកអ្នក។​លុះរកឃើញហើយសូមចុចលើប៊ូតុង​Open ព្រមទាំង
ធ្វើការជ្រើសរើសនូវ USB Drive ។
បញ្ជាក់ៈ លោកអ្នកត្រូវប្រាកដថា Drive ដែលបានជ្រើសរើសនោះគឺពិតជាត្រឹមត្រូវ មិន
ភាន់ច្រឡំឡើយ ព្រោះថាមុនពេលធ្វើការបញ្ជូន Setup Files ទៅកាន់ USB ជាចាំបាច់
លោកអ្នកត្រូវ Format USB Drive ជា FAT32 ឬក៏ NTFS ជាមុនសិន ។

    ផ្ទុយមកវិញ មុននឹងលោកអ្នកចុចលើប៊ូតុង Burn កម្មវិធីក៏ចាប់ បង្ហាញចេញនូវផ្ទាំងថ្មីមួយឡើង មកដើម្បីបញ្ជាក់លោកអ្នកម្តងទៀតថារាល់ឯកសារនៅក្នុង USB Drive នេះនឹងត្រូវបានលុបចោល
ទាំង​ស្រុង ដោយជំនួសមកវិញនូវការ Selected Bootable Option ។

    នៅខណៈនោះផងដែរលោកអ្នកនឹងឃើញមានបង្ហាញនូវពាក្យ “not responding”
នៅលើ Title Bar របស់កម្មវិធី ISO to USB ក៏ប៉ុន្តែសូមកុំបិទកម្មវិធីដែលកំពុងតែដំណើរ
ការនេះឲ្យសោះ ។

    ជាចុងក្រោយ លោកអ្នកនឹងបានឃើញផ្ទាំងថ្មីមួយផ្សេងទៀតដែលមានខ្លឹមសារ
“successfully completed” ចាប់បង្ហាញឡើង​បន្ទាប់ពីដំណើរការនៃការផ្ទេរឯកសារ
ISO ទៅកាន់ USB Drive ត្រូវបានបញ្ចប់ជាស្ថាពរនោះ ៕

If You think it good please like ...... Facebook i1dlsong