វិធីសាស្រ្ត ៧ យ៉ាងក្នុងការ​ បង្កើនទំហំទទេរលើផ្ទៃថាសរឹង

    ថាសរឹង គឺជាសមាសធាតុផ្សំដ៏សំខាន់មិនអាចខ្វះបានមួយនៃម៉ាស៊ីនកុំព្យូទ័រ
ព្រោះថាកុំព្យូទ័រមួយគ្រឿងកាលបើមិនមានថាសរឹង (Hard Disk) ទេនោះកុំព្យូទ័រ
ក៏មិនអាចប្រើប្រាស់បានដែរ។ ក្រៅពីនេះថាសរឹងត្រូវបានគេប្រើសម្រាប់ផ្ទុកនូវ
រាល់ឯកសារសំខាន់ៗ ឬទិន្នន័យផ្សេងៗជាច្រើនប្រភេទ​ប៉ុន្តែវាមានទំហំកំណត់
ទៅតាមតម្រូវការអ្នកប្រើប្រាស់។ អ្នកប្រើប្រាស់មួយ ចំនួនគាត់ត្រូវការថាសរឹង
ដែលមានទំហំធំៗទៅតាមទំហំការងាររបស់គាត់ ហើយក៏មានអ្នកខ្លះទៀតគាត់
ត្រូវការទំហំថាសរឹងត្រឹមតែតូចល្មមសក្តិសមនឹងការងារផ្នែករដ្ឋបាលរបស់គាត់
ជាការគ្រប់គ្រាន់ តែអ្វីដែលធ្វើឲ្យពួកគាត់មិនអស់ចិត្តនោះគឺការកាត់បន្ថយទំហំ
ទំនេរថាសរឹងរបស់ពួកគាត់ឲ្យកាន់តែតិចទៅៗ មានន័យថាវាបានបាត់បង់ដោយ
មិនដឹងមូលហេតុ។ ដូច្នេះទស្សនាវដ្តីទីក្រុងពត៌មានវិទ្យាសូមលើកយកនូវហេតុផល
៧​យ៉ាងដើម្បីធ្វើការ បង្កើនទំហំទទេរលើផ្ទៃថាសរឹងមកបង្ហាញ  ជូនប្រិយមិត្តអ្នក
អានឲ្យបាន ជ្រាបដូចតទៅៈ

១. ការត្រួតពិនិត្យជាមួយ​ Run Disk Cleanup :
    ជាទូទៅនៅលើប្រព័ន្ធដំណើរការជំនាន់ណាក៏ដោយទាំងថ្មី និងចាស់គឺរមែងតែងតែ
មានភ្ជាប់មកនូវមុខងារមួយដែលអាចឲ្យអ្នកប្រើប្រាស់ធ្វើការ លុបនូវពពួក​ Temporary
Files ឬឯកសារមិនសំខាន់​ផ្សេងៗទៀតចោល ក្នុងគោលដៅមួយធ្វើយ៉ាងណាឲ្យដំណើរ
ការនៃម៉ាសីុនកុំព្យូទ័រប្រព្រឹត្តទៅបានយ៉ាងរលូន ជាពិេសសជួយបង្កើនទំហំទទេរលើ
ផ្ទៃថាសរឹង (Hard Disk)​ តែម្តង ហើយដើម្បីអាចប្រើប្រាស់​Run Disk Cleanup បានសូម
លោកអ្នកចុចកណ្តុរស្តាំលើថាសរឹងណាមួយក៏បានបន្ទាប់មកសូម Select លើមុខងារ
Properties ។

    បន្ទាប់មកលោកអ្នកត្រូវចុចលើប៊ូតុង Disk Cleanup ដែលមាននៅ
ក្នុងផ្ទាំង ​Disk Properties នោះឯង ។

    បន្ទាប់មកទៀត លោកអ្នកចាំបាច់ត្រូវ Select ទៅលើប្រភេទឯកសារដែល
ចង់លុបចោលតួយ៉ាងដូចជាពពួក Temporary Files, Log Files, Files in your
Recyclebin ឬឯកសារមិនបានការផ្សេងៗទៀត និងបន្ត ចុចប៊ូតុង OK។ ក្រៅ
អំពីឯកសារទាំងអស់ខាងលើហើយ លោកអ្នកថែម ទាំងអាចធ្វើការសម្អាត
(Clean Up) នូវ​ពពួក System Files ដែលមិនបានបង្ហាញនៅក្នុងបញ្ជីខាង
លើបានយ៉ាងងាយផងដែរ  គឺគ្រាន់តែចុចប៊ូតុង Clean up System Files
ដើម្បីធ្វើការលុបនូវពពួក System Files ដែល មិនបានការមួយចំនួន​ចោល
បានហើយ ។

    បន្ថែមលើនេះលោកអ្នកនៅអាចចុចលើប៊ូតុង More Options រួច ហើយបន្ត
ចុចប៊ូតុង Clean Up ដែលស្ថិតនៅខាងក្រោមមុខងារ System Restore and
Shadow Copies ដើម្បីផ្តើមលុប System Restore Data ចោលតែម្តងបានផងដែរ ។

២. បង្កើនទំហំថាសរឹងដោយ Uninstall Space-Hungry App :
    យ៉ាងណាម៉ិញ លោកអ្នកក៏អាចធ្វើការបង្កើនទំហំទទេររបស់ថាសរឹងឲ្យធំ
ជាងមុនបានផងដែរតាមរយៈការលុបចោល (Uninstall) កម្មវិធីមួយ ចំនួនដែល
លោកអ្នកបានតម្លើងរួច ប៉ុន្តែក៏មានកម្មវិធីខ្លះប្រើប្រាស់ត្រឹមតែតិច តួចបំផុត
ក្រោយពីលោកអ្នកបានធ្វើការតម្លើង​រួចនោះ ដែលករណីនេះសឹងថាមិនចាំបាច់
លុបវាចោលផងក៏បាន។ ផ្ទុយមកវិញប្រសិនបើកុំព្យូទ័រលោកអ្នកមិនបង្ហាញនូវ
ទំហំនៃកម្មវិធីទាំងនោះទេសូមចុចលើ  Size Column ដើម្បីឲ្យវាបង្ហាញឡើង។
គួរបញ្ជាក់ផងដែរថា​ប្រសិនបើលោកអ្នកស្វែងរក Size Column មិន​ឃើញទេនោះ
សូមបន្តចុចលើប៊ូតុង Options ដែលស្ថិត នៅលើគេ​បង្អស់​ត្រង់ជ្រុងខាងស្តាំ និង
ធ្វើការ Select ទៅលើ Details View ។

៣. ដំណើរការ Analyze Disk Space :
    បន្ថែមលើនេះផងដែរ ប្រសិនបើលោកអ្នកចង់ដឹងឲ្យច្បាស់ថាតើទំហំថាសរឹង
នៃម៉ាស៊ីនកុំព្យូទ័រត្រូវបានបាត់បង់ដោយសារអ្វី ឬក៏ប្រើប្រាស់លើការងារណាខ្លះ?
Hard Disk Analysis Program ពិតជាអាចជួយលោកអ្នក បាន ព្រោះថាកម្មវិធីជំនួយ
នេះ វាអនុញ្ញាតឲ្យ​អ្នកប្រើប្រាស់មានលទ្ធភាពក្នុង ការឆែករក (Scan) ទៅលើថាសរឹង
​របស់គេបានយ៉ាងច្បាស់ លុះការស្គេន  ត្រូវបានបញ្ចប់លោកអ្នកនឹងបានឃើញថា
ឯកសារ ឬថតឯកសារណាខ្លះ   ដែលធ្វើឲ្យថាសរឹងនៅសល់ទំហំទំនេរកាន់តែតិច
ទៅៗ សូមចាប់ផ្តើមសាក ល្បងបង្កើនទំហំ​ទំនេរលើថាសរឹងរបស់លោកអ្នកជាមួយ
​WinDirStat ។

៤. ការសម្អាតទៅលើ ​Temporary Files :
    មុខងារ Windows’ Disk Cleanup គឺត្រូវបានគេចាប់អារម្មណ៍ប្រើប្រាស់ច្រើន
ក្នុងការបង្កើនទំហំទទេរនៃថាសរឹង ប៉ុន្តែមុខងារនេះមិនអាចធ្វើការលុបចោលនូវ
ពពួក ​Temporary Files ដែលកើតមាន​ឡើងពីការប្រើ ប្រាស់កម្មវិធីផ្សេងៗនោះទេ
តួយ៉ាងដូចជាការសម្អាត​Firefox ឬ Chrome Browser Caches ជាដើម។ ក្នុងករណី
ដែល​លោកអ្នកត្រូវការលុបបំបាត់ចោលនូវពពួក Temporary ឬ Junk File សូមសាក
ល្បងទាញយក (Download) កម្មវិធី CCleaner មកប្រើប្រាស់លមើល គឺពិតជាអាច
ជួយលោកអ្នកបានយ៉ាងប្រាកដ ។

៥. ការបង្កើនទំហំថាសរឹងដោយការលុបបំបាត់ Files​ ស្ទួនៈ
    នៅត្រង់ចំណុចនេះ គឺជាបញ្ហាមួយដែលអ្នកប្រើប្រាស់ម៉ាសីុនកុំព្យូទ័រភាគច្រើន
គាត់តែងជួបប្រទះស្ទើរគ្រប់គ្នា ព្រោះថាមានពេលខ្លះឯកសារ ឬ    រូបភាពតែមួយប៉ុន្តែគាត់ផ្ទុកនៅលើទីតាំងផ្សេងគ្នានៃថាសរឹងតែមួយករណីនេះវាធ្វើឲ្យ
ទំហំទទេររបស់ថាសរឹងចាប់ផ្តើម រួមតូចបន្តិចម្តងៗទៅតាមចំនួន Files ដែលស្ទួនទាំង
នោះ។ ដូច្នេះដើម្បីកាត់បន្ថយ ឬលុបចោលនូវឯកសារដែលស្ទួនលោកអ្នកចាំបាច់គួរ
ប្រើកម្មវិធីដើម្បីស្វែងរកឯកសារស្ទួន។សូមសាក ល្បងប្រើកម្មវិធី VisiPics, dupeGuru ​
លមើល តើវាអាចជួយលោកអ្នក បាន​កម្រិតណាដែរ?​

៦. កាត់បន្ថយការប្រើប្រាស់ទំហំថាសរឹងច្រើន
ពេលបង្កើត System Restore​ :
    ជាទូទៅរាល់ការបង្កើត System Restore នៅលើម៉ាសីុនកុំព្យូទ័រ គឺ រមែងតែង
ធ្វើឲ្យមានការបាត់បង់ទំហំទទេររបស់ថាសរឹងច្រើនដែលកត្តានេះ មិនសូវមានអ្នក
ប្រើប្រាស់ចាប់អារម្មណ៍ប៉ុន្មានទេ ប៉ុន្តែគាត់ឧស្សាហ៍រអ៊ូរទាំ ថា​ហេតុអ្វីក៏ថាសរឹង
(Hard Disk)​ របស់​គាត់​ចេះតែបាត់ និងកាន់តែរួមតូចទៅៗដោយគ្មានមូលហេតុ​ដូច្នេះ?

៧. ការប្រើប្រាស់ Nuclear Options :
    លោកអ្នកគួរតែបិទដំណើរការ Hibernation ចោលវាជាការប្រសើរផងដែរ
ព្រោះថារាល់ពេលលោកអ្នកចាប់ផ្តើម Hibernate លើ System នោះនឹងមាន
ការរក្សាទុកនូវ Contents របស់អង្គចងចាំ (RAM) ទៅលើ ថាសរឹងរបស់លោកអ្នក
ដែលជាហេតុធ្វើឲ្យថាសរឹងនោះត្រូវបានបាត់បង់ដោយមិនដឹងខ្លួន។ និយាយជា
រួមមកបើលោកអ្នកមិនចង់ឲ្យបាត់បង់ទំហំថាសរឹងដោយសារកត្តា
មិនចាំបាច់នេះទេ  សូមបិទមុខងារ  Hibernate      Entirely / System Restore
Entirely ចោលតែម្តង ដូច្នេះការបាត់បង់ទំហំទទេររបស់ថាសរឹងនឹងត្រូវបានកាត់
បន្ថយបានមួយផ្នែកធំ ៕

If You think it good please like ...... Facebook i1dlsong